[特別討論] 玩Online Game遇到最討厭的事係?

Kenson

搶怪  無故pk  亂咁小人  呢d都係香港game先會出現咁濟
所以我放棄玩香港server好耐

我為左避開呢d人 所以去玩台灣game
不過又係台灣game見到呢d咁既人
最憎佢地係公頻用口語問人野
第一個感覺就係...影衰晒香港人
雖然好多香港玩家都衰架啦 (完全係事實 請睇下面事例)
不過你衰就留係香港server玩啦
去台灣server整臭晒香港人
搞到我依家都唔敢公開話我係香港人...

搶怪...
前排玩末日戰曲 (台版我都有玩 叫天下大亂)
玩之前我已經年幾冇掂香港game
一開始出城打怪升lv 岩岩公測 所以人數都幾多
打10隻怪 最少7隻有人搶
最離譜係 我打到隻怪得返5分1血都冇
d人照搶...完全唔知佢地搶黎做乜 (d怪掉寶係掉俾攻擊輸出最多果個)
至於台灣game 有時2個人唔小心同時打一隻怪
點都有一個會收手 玩完台灣game 再玩香港game真係頂唔順

雖然玩game就係要有競爭
但係融融洽洽咁玩唔好咩?
亦都唔會有爭端出現
玩game就係圖開心
不過係香港server 我連苦中作樂都做唔到...

有時係台灣online game
識到d同我一樣抱住同樣心態既香港玩家
真係可以傾得好開心
不過實在太少見啦
或者係因為佢地都唔想俾人知佢地係香港人啦