回復 22# 有可能
EQ從來都沒失敗過,EQ係一隻絕對受歡迎+多人玩既GAME。
我地話死左要汁番條屍,並唔係你念果隻,係死左,你冇哂裝備,D血,防都好低,要慢慢小小心心去番你死果度,汁番所有裝備去著,而D裝備人地係汁唔度,不過冇品既人可以拖走人地條屍等人汁唔到,不過好少係EQ發生過,唔知係咪外國人有品D,EQ呢隻外國遊戲,好少發生拖走人條屍既事,幫人汁屍就多。
EQ係一隻非常出色既遊戲,一隻解一個高難度任務,都要出動到成個公會,數百人,一齊打地城咁打先解到,而且EQ又冇咩外掛或BUG比人用(定係冇人用)一大班人一齊打BOSS,打唔贏死哂,又傾下點打。
佢地一個公會去打地城係一定唔可以全滅,如果唔係就汁唔到屍,一定要有D祭C未死,幫手復活,如果唔係好大獲。唔似得而家D GAME,死左扣經,成個人送番城度,冇事,EQ咁先有趣味,有挑戰性,而家D人死一次扣一扣經就粗口出哂,比呢D人玩EQ實好大件事,分分鍾打爆機。
汁屍系統好似魔獸咁,不過魔獸係以靈魂型式汁屍,D怪係你未復活之前打你唔到,EQ就係活人去汁,D怪打到你。
EQ1唔知有冇汁到,但係就肯定出左EQ2,難度冇EQ1咁難,好多任務變左1,2個小隊就打到,唔似以前要出動幾百人去打。另外EQ2而家D祭C補血可以企係付近,唔似EQ1要企係第2間房度補(因為你唔知度隻BOSS見唔見度隻祭C,所以一定要企遠D。但EQ2就可以大約知隻BOSS會唔會打到隻補C。
講起要GM汁屍,傳說中魔獸曾經有人走左落一個已經關閉左既ZONE度,攪到死左係入面,要GM幫佢汁番先汁到,個GM仲話佢唔好比咁多麻煩佢>.<",至於點解入到個關左既ZONE,我就唔知,始終係傳說。
呢個系統唔係咁岩係亞洲地區用,因為亞洲人普遍生活急速,咩都要求方便,一步登天,所以呢D難既系統唔係咁岩係亞洲地區推出,始終比較少人有耐性玩,反而係外國幾受歡迎。
不過魔獸出左後,D任務提示多左,D系統易左,D人慢慢習慣左容易,所以都少左人鍾意EQ呢D咁既GAME,始終習慣左方便,好難行番D難既路。 |
[複製鏈接]
發表於 15-6-2010 20:55:51